Մինսկում ՙԱրարատից Սիոն՚ վավերագրական ֆիլմի ցուցադրումը և հայ համայնքի ներկայացուցիչների պարգևատրումը

16 մայիսի, 2012

2012թ. մայիսի 16-ին Մինսկ քաղաքի ՙԿինոյի տանը՚ տեղի ունեցավ ՙԱրարատից Սիոն՚ վավերագրական ֆիլմի ցուցադրումը, ինչպես նաև Բելառուսի հայ համայնքի ներկայացուցիչներին ՀՀ մշակույթի նախարարության և ՀՀ սփյուռքի նախարարության պարգևների հանձնման հանդիսավոր արարողությունը: Հրավիրվածների թվում էին հայ համայնքի, Բելառուսում հավատարմագրված դիվանագիտական առաքելությունների, Բելառուսի հասարակության և մշակույթի ոլորտի ներկայացուցիչներ: Բացման խոսքով հանդես եկավ ԲՀ-ում ՀՀ դեսպան Ա.Խաչատրյանը, որը շնորհակալություն հայտնեց ներկաներին հրավերը ընդունելու համար, այնուհետև խոսք տվեց ֆիլմի սցենարիստ և պրոդյուսեր հայր Մեսրոպ Արամյանին, որը ներկայացրեց ֆիլմի նկարահանման մանրամասները և կինոփառատոններում նվաճումները: Ֆիլմի ցուցադրումից հետո տեղի ունեցավ պարգևատրման արարողությունը: ՙԱրտերկրում հայ մշակույթի պահպանման, տարածման և էստրադային երաժշտության զարգացման գործում ունեցած զգալի ավանդի համար՚ Բելառուսի անվանի երգչուհի Իսկուհի Աբալյանին ՀՀ դեսպան Ա.Խաչատրյանը հանձնեց ՀՀ մշակույթի նախարարության Ոսկե մեդալը: ՀՀ մշակույթի նախարարության ևս մեկ Ոսկե մեդալ ՀՀ դեսպան Ա.Խաչատրյանը հանձնեց Բելառուսի ՙԷրեբունի՚ պարային համույթի գեղարվեստական ղեկավար Ռուզաննա Ավանեսյանին ՙԱրտերկրում հայ մշակույթի պահպանման, տարածման և պարարվեստի զարգացման գործում ունեցած զգալի ավանդի համար՚: Այնուհետև Ռուզաննա Ավանեսյանին ՙՀայաստան-սփյուռք գործակցության, հայապահպանման գործում ունեցած ավանդի, ՀՀ սփյուռքի նախարարության ծրագրերի իրագործմանն աջակցելու համար և ՀՀ անկախության 20-ամյակի առթիվ՚ ՀՀ դեսպան Ա.Խաչատրյանը հանձնեց ՀՀ սփյուռքի նախարարության պատվոգիրը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր