Մասնակցություն Պոլոցկ քաղաքի 1150-ամյակին

27 մայիսի, 2012

2012թ. մայիսի 25-27-ը տեղի են ունեցել Պոլոցկ քաղաքի 1150-ամյակին նվիրված տոնական միջոցառումներ, որին մասնակցել է Բելառուսի Հանրապետությունում ՀՀ դեսպան Ա.Խաչատրյանը, Հայաստանի Ալավերդու քաղաքապետը, Բելառուսի հայ համայնքի ներկայացուցիչներ:

Մայիսի 25-ին Պոլոցկի կենտրոնական առափնյա փողոցում տեղադրվել է Հայրենական մեծ պատերազմի ընթացքում զոհված հայ զինվորների հիշատակին նվիրված խաչքարի հիմնաքարը: Ներկայումս խաչքարը պատրաստվում է Հայաստանում: Միջոցառմանը մասնակցել են նաև Պոլոցկի քաղաքապետարանի ներկայացուցիչները:

Մայիսի 26-ին Պոլոցկի քաղաքային թիվ 2 գիմնազիայում կայացել է ՛՛Իմ Հայաստանը՛՛ թեմայով շարադրության և ՛՛Հայաստանը բելոռուս երեխաների աչքերով՛՛ նկարների մրցանակաբաշխությունները:

Նույն օրը Պոլոցկի կենտրոնական գրադարանում կայացել է հայ տպագրական գրքի 500-ամյակին նվիրված հայկական գրքերի, ինչպես նաև ՛՛Հայաստան՚՛՛ թեմայով լուսանկարների ցուցահանդես:

Ներկայացված գրքի ցուցանմուշներն Ալավերդու քաղաքապետը, Լոռու մարզպետարանի անունից, փոխանցվել է տեղի գրադարանին:

Մայիսի 26-ին Ալավերդի և Պոլոցկ քաղաքների միջև կնքվել է քույր քաղաքներ կարգավիճակ հաստատելու մասին համաձայնագիր:

Միջոցառումներին հանդես է եկել հայ համայնքի ՛՛Էրեբունի՛՛ պարային համույթը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր