Սումգայիթյան ոճրագործության զոհերի հիշատակին նվիրված միջոցառում

28 փետրվարի, 2013

Փետրվարի 28-ին Բելառուսում ՀՀ դեսպանությունը և հայկական համայնքային կառույցները Մինսկում տեղադրված հայկական խաչքար-հուշակոթողի մոտ կազմակերպեցին սումգայիթյան ոճրագործության զոհերի հիշատակին նվիրված միջոցառում:

Հավաքվածների առջև հանդես եկավ Բելառուսի Հանրապետությունում Հայաստանի Հանրապետության դեսպան Արմեն Խաչատրյանը:

ՀՀ դեսպանն իր ելույթում, մասնավորապես, նշեց, որ «Սումգայիթի եղեռնագործությունը դարձավ Ադրբեջանում հայերի դեմ 20-րդ դարի սկզբից պարբերաբար իրականացվող կազմակերպված հանցագործությունների շարունակություն՝ բացահայտելով այդ երկրի տարածքում ողջ հայ բնակչության համար նախապատրաստած անմարդկային վճիռը: Այդ հանցավոր ծրագրի իրականացումը հնարավոր եղավ խափանել միայն Արցախում կազմակերպված ինքնապաշտպանության արդյունքում»:

Միջոցառման մասնակիցները մեկ րոպե լռությամբ հարգանքի տուրք մատուցեցին սումգայիթյան նահատակների հիշատակին և ծաղկեպսակներ զետեղեցին խաչքար-հուշակոթողին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր