Հայոց Ցեղասպանության 101-րդ տարելիցին նվիրված միջոցառում Մինսկում

24 ապրիլի, 2016

2016թ. ապրիլի 24-ին Մինսկի Սբ.Ալեքսանդր Նևսկու եկեղեցու բակում տեղադրված խաչքարի մոտ Բելառուսում Հայաստանի դեսպանությունը և հայ համայնքը կազմակերպել էին Հայոց ցեղասպանության սրբագործված նահատակների ոգեկոչմանը նվիրված արարողություն: Միջոցառմանը ներկա էին ԲՀ-ում ՀՀ դեսպան Ա.Խաչատրյանը, դեսպանության անձնակազմը, Բելառուսում հայ համայնքային կառույցների ղեկավարները և համայնքի ներկայացուցիչները:

Միջոցառմանը հանդես եկավ ԲՀ-ում ՀՀ դեսպան Ա.Խաչատրյանը, ով իր ելույթում նշեց, որ 101 տարի առաջ Թուրքիայի կողմից ծրագրված հայ ազգի ոչնչացումը իր նպատակին չհասավ, և հայ ազգը այսօր էլ հզոր է և միասնական, ինչի վառ ապացույցն է ս.թ. ապրիլի սկզբին Ադրբեջանի կողմից սանձազերծված լայնածավալ ռազմական գործողությունների ժամանակ հայ ազգի համախմբումն ու միասնականությունը: Դեսպանը իր ելույթում նաև ընդգծեց, որ ցեղասպանության ճանաչումն ու դատապարտումը ոչ միայն հայ ազգի պայքարը պետք է լինի՝ պատմական արդարության վերականգնման գործում, այլ համայն աշխարհի, որպեսզի նման դաժան հանցագործությունները այլևս երբեք չկրկնվեն, և որ հայ ազգը երբեք չի շեղվի Հայոց ցեղասպանության միջազգային ճանաչման ու դատապարտման ճշմարիտ ուղուց:

Իր ելույթի ավարտին դեսպան Խաչատրյանը նշեց, որ մենք ապրում ենք այն տարածքում, որտեղ մշտապես պետք է զգոն, միախումբ ու ամուր լինենք և ամբողջ հույսը դնենք միայն մեզ վրա:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր