Հայաստանի դեսպանը մասնակցեց «Բագրատիոն» գործողություն» խորագրով միջազգային գիտաժողովի աշխատանքներին

27 հունիսի, 2019

2019թ․ հունիսի 27-ին Բելառուսում Հայաստանի դեսպան Ա․Ղևոնդյանը մասնակցեց «Բագրատիոն» գործողություն» խորագրով միջազգային գիտաժողովի աշխատանքներին՝ նվիրված Բելառուսի ազատագրման 75-ամյակին։ Գիտաժողովը կազմակերպված էր Բելառուսի Գիտությունների ազգային ակադեմիայի և Բելառուսի պաշտպանության նախարարության կողմից։

Դիմելով համաժողովի մասնակիցներին, դեսպան Ղևոնդյանն իր ողջույնի խոսքում ընդգծեց նաև հայ զինվորների ակտիվ դերակատարությունը, ինչպես նաև Խորհրդային Միության մարշալ Հովհ․Բաղրամյանի անձնական ներդրումը Բելառուսի ազատագրման գործում։

Այս համատեքստում կարևորվեց Բելառուսի Գիտությունների ազգային ակադեմիայի, «Անիվ» հայագիտական հետազոտությունների զարգացման և աջակցման հիմնադրամի և Բելառուսի Հանրապետության Զինված ուժերի համապատասխան ստորաբաժանման միջև երկարամյա համագործակցության ընդհանրացումը «Հայ մարտիկները Բելառուսի մարտերում (1941-1944)» գրեթե հազար էջանոց ժողովածուի լույսընծայումը, ինչի վերաբերյալ հայտարարվեց գիտաժողովի ընթացքում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր