Հայասանի դեսպանի հանդիպումը Բելառուսի ԱԱՊ

03 մարտի, 2020

Մարտի 3-ին Բելառուսի առևտրաարդյունաբերական պալատում ԲՀ-ում Հայաստանի դեսպան Արմեն Ղևոնդյանը հանդիպում է ունեցել պալատի ղեկավար Վ․Ուլախովիչի, ինչպես նաև հայաստանյան գործարար շրջանակների հետ համագործակցության հաստատման և զարգացման հարցում հետաքրքրված բելառուսական շուրջ 60 ընկերությունների ներկայացուցիչների հետ։
Իր ողջույնի խոսքում, անդրադառնալով հայ-բելառուսական տնտեսական համագործակցության ռազմավարական ուղղություններին, Բելառուսի ԱԱՊ ղեկավարը նշել է նաև այն, որ «Հայաստանի հետ համագործակցելիս պետք է հաշվի առնենք նաև երկրի, այդ թվում՝ վերջինիս օգնությամբ մերձավոր երկրների շուկաներ համատեղ արտադրանքի առաջ մղման հնարավորությունները»։
Իր հերթին, դիմելով ներկաներին, Հայաստանի դեսպանը նկատել է, որ թեև երկկողմ ապրանքաշրջանառության մասով դրական դինամիկա է արձանագրվում, առկա ներուժը լիարժեք գործարկված չէ։ Ա․Ղևոնդյանը կարծիք է հայտնել ար այն, որ «անհրաժեշտ է զարգացնել համագործակցությունն ոչ միայն ավանդական բնագավառների ուղղությամբ, այլև մասնավորապես ավելի սերտ կոոպերացիոն կապեր ծավալել ՏՏ ոլորտում, ամրապնդել և ընդլայնել միջտարածաշրջանային փոխգործակցությունը»։
Հանդիպման մասնակիցներին տեղեկատվություն է ներկայացվել երկկողմ առևտրատնտեսական համագործակցության հեռանկարային ուղղությունների, ինչպես նաև Հայաստանի գործարար և ներդրումային կլիմայի առանձնահատկությունների մասին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր