Հայ-բելառուսական միջխորհրդարանական հանձնաժողովի հերթական նիստի վերաբերյալ

06 հունիսի, 2023

2023թ․ հունիսի 6-ին Մինսկում կայացավ Բելառուսի Հանրապետության Ազգային Ժողովի և Հայաստանի Հանրապետության Ազգային Ժողովի միջև համագործակցության միջխորհրդարանական հանձնաժողովի 13-րդ նիստը՝ վերջինիս համանախագահներ Վալերի Միցկևիչի և Արմեն Գևորգյանի գլխավորությամբ։

Նիստի մասնակիցները քննարկեցին հայ-բելառուսական միջխորհրդարանական երկխոսությանն ու փոխգործակցությանն առնչվող հարցեր։

Կայացավ կարծիքների փոխանակում միջազգային քաղաքականությանը և տարածաշրջանային ընթացիկ իրադրությանն առնչվող արդի հարցերի շուրջ։ Դիտարկվեց հայ-բելառուսական առևտրատնտեսական համագործակցության ներուժը՝ այդ թվում հաշվի առնելով ԵԱՏՄ-ում Հայաստանի և Բելառուսի անդամակցությունն ու փոխգործակցությունը։ Անդրադարձ կատարվեց նաև մշակութային-հումանիտար կապերի զարգացմանը՝ ներառյալ երկկողմ համագործակցությանը գիտության և կրթության բնագավառում։

Նիստի արդյունքներով որոշում կայացվեց հայ-բելառուսական միջխորհրդարանական հանձնաժողովի հաջորդ նիստն անցկացնել 2024թ. Երևանում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր