Մեր ընդհանուր Հաղթանակը» ցուցահանդեսի բացման արարողությանը մասնակցության վերաբերյալ

17 հունիսի, 2020

2020թ․ հունիսի 17-ին Բելառուսում Հայաստանի դեսպան, ԱՊՀ կանոնադրական և այլ մարմիններում ՀՀ մշտական և լիազոր ներկայացուցիչ Ա․Ղևոնդյանը մասնակցել է Հայրենական Մեծ պատերազմի պատմության Բելառուսի պետական թանգարանում՝ ԱՊՀ մասնակից պետությունների մշտական և լիազոր ներկայացուցիչների նախաձեռնությամբ կազմակերպված՝ «Մեր ընդհանուր Հաղթանակը» խորագիրը կրող ցուցահանդեսի հանդիսավոր բացման արարողությանը։

Ցուցահանդեսին ներկայացված են նշանակալի մարտերին առնչվող փաստագրական և ֆոտոնյութերի պատճենները, այդ թվում նաև «Բագրատիոն» բելառուսական գործողության մասին, որին անմիջական մասնակցություն է ունեցել նաև հայկական սփյուռքի և Հայ Առաքելական Եկեղեցու միջոցներով ձևավորված «Սասունցի Դավիթ» տանկային շարասյունը: Ցուցահանդեսում զգալի տեղ է հատկացված Բելառուսում պարտիզանական շարժման, ինչպես նաև Հաղթանակի կերտման գործում թիկունքի ներգրավվածության վերաբերյալ նյութերին:

Ցուցահանդեսի բացման արարողությանը մասնակցել են ԱՊՀ երկրների մշտական և լիազոր ներկայացուցիչները, Բելառուսի Հանրապետության արտաքին գործերի նախարարի տեղակալ Ա.Դապկյունասը, Բելառուսի Հանրապետության մշակույթի նախարարի առաջին տեղակալ Ն.Կարչևսկայան, ԱՊՀ գործադիր կոմիտեի ղեկավարությունը և այլն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր