«Լիբերալ-դեմոկրատական» կուսակցության նախագահի հետ կայացած հանդիպման մասին

08 հոկտեմբերի, 2020

2020թ․ հոկտեմբերի 8-ին կայացել է ԲՀ-ում ՀՀ դեսպան Արմեն Ղևոնդյանի հանդիպումը Բելառուսի Հանրապետության Ազգային Ժողովի Ներկայացուցիչների պալատի Միջազգային հարաբերությունների մշտական հանձնաժողովի նախագահի տեղակալ, «Լիբերալ-դեմոկրատական» կուսակցության նախագահ Օլեգ Գայդուկևիչի հետ։

Կայացած հանդիպման ժամանակ Ա․Ղևոնդյանը ներկայացրել է Լեռնային Ղարաբաղի դեմ Ադրբեջանի կողմից՝ Թուրքիայի ռազմաքաղաքական աջակցությամբ և Մերձավոր Արևելքում գործող ահաբեկչական խմբավորումների վարձկանների ներգրավմամբ սանձազերծված ռազմական ագրեսիայի մասին տեղեկատվությունը։

Մշտական հանձնաժողովի նախագահի տեղակալը իրազեկվել է նաև Լեռնային Ղարաբաղում լայնածավալ գործողությունների մասով միջազգային արձագանքին, այդ թվում՝ մի շարք պետությունների խորհրդարանների՝ կրակն անհապաղ դադարեցման կոչերին և ագրեսիայի դատապարտմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր