«Բելառուս-Հայաստան» միության անդամների հետ հանդիպման վերաբերյալ

22 հոկտեմբերի, 2020

Հոկտեմբերի 22-ին Մինսկի Արտասահմանյան երկրների հետ բարեկամության և մշակութային կապի բելառուսական միությունում («БелОД» հ/կ) կայացել է Բելառուսում Հայաստանի դեսպան Ա․Ղևոնդյանի հանդիպումը «Բելառուս-Հայաստան» միության ակտիվի հետ։

Հանդիպման ընթացքում ՀՀ դեսպանը ներկայացրել է Լեռնային Ղարաբաղի հանդեպ Ադրբեջանի կողմից՝ Թուրքիայի ռազմաքաղաքական անմիջական աջակցությամբ և Մերձավոր Արևելքից ներգրավված գրոհայինների մասնակցությամբ, սանձազերծած ագրեսիայով պայմանավորված իրավիճակը։ «Բելառուս-Հայաստան» միության նախագահ Նաում Գալպերովիչը, «БелОД» հ/կ տնօրեն Նինա Իվանովան և հանդիպման մյուս ներկաներն իրազեկվել են Լեռնային Ղարաբաղի դեմ ագրեսիան դատապարտող միջազգային արձագանքին։

Հաջորդած ինտերակտիվ երկխոսության ընթացքում Հայաստանի դեսպանը պատասխանել է առավել հետաքրքրություն ներկայացնող մի շարք հարցերի, ներկայացրել է Լեռնային Ղարաբաղի հակամարտության իրավական ասպեկտները, ինչպես նաև հակամարտության քաղաքական-դիվանագիտական կարգավորման փնտրելուն ուղղված ԵԱՀԿ Մինսկի խմբի համանախագահող երկրների միջնորդային ջանքերը Ադրբեջանի կողմից խաթարելու դինամիկան։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր