Բելառուսում ՀՀ և Դոմինիկյան Հանրապետության դեսպանների հանդիպման վերաբերյալ

12 հոկտեմբերի, 2022

2022թ. հոկտեմբերի 11-ին Բելառուսում Հայաստանի Հանրապետության դեսպանությունում կայացավ ՀՀ դեսպան Ռազմիկ Խումարյանի հանդիպումը Դոմինիկյան Հանրապետության դեսպան Ֆրանկ Հանս Դանենբերգ Կաստելյանոսի հետ (նստավայրը՝ Մոսկվա)։

ՀՀ և ԴՀ միջև դիվանագիտական հարաբերությունների հաստատման 15-ամյակի համատեքստում դեսպան Դանենբերգը կարևորեց Երևանում ԴՀ դիվանագիտական գրասենյակի բացումը, անդրադարձավ երկկողմ համագործակցության զարգացման հիմնական ուղղություններին, ընդգծեց փոխադարձ հետաքրքրություն ներկայացնող մի շարք բնագավառներում, այդ թվում առևտրատնտեսական ոլորտում, գործակցության տեսանկյունից ՀՀ և ԴՀ զգալի ներուժը։

Զրուցակիցները երկուստեք գոհունակություն հայտնեցին վերջին շրջանում, մասնավորապես, 2022թ. ՀՀ և ԴՀ կողմից դեսպանների փոխադարձ հավատարմագրումից ի վեր, հայ-դոմինիկյան քաղաքական-դիվանագիտական շփումների ու երկխոսության դինամիկ զարգացման կապակցությամբ՝ այս առումով վկայակոչելով սեպտեմբերի 23-ին ՄԱԿ ԳԱ 77-րդ նստաշրջանի շրջանակներում երկու պետությունների արտաքին քաղաքական գերատեսչությունների ղեկավարների հանդիպումը։

Դեսպան Խումարյանը ողջունեց զրուցակցի ակտիվ և նախաձեռնողական գործունեությունը՝ հայտնելով Բելառուսում ՀՀ դեսպանության պատրաստակամությունը վերապահված գործառույթների շրջանակներում հնարավորինս աջակցել փոխշահավետ հեռանկարային ծրագրերի ու նախաձեռնությունների իրագործմանը՝ ի շահ երկկողմ հարաբերությունների հետագա զարգացման։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր