Բելառուսում Շվեդիայի գործերի հավատարմատարի հետ հանդիպման վերաբերյալ

07 նոյեմբերի, 2022

2022թ․ նոյեմբերի 7-ին Բելառուսում Հայաստանի Հանրապետության դեսպանությունում կայացավ դեսպան Ռազմիկ Խումարյանի հանդիպումը Բելառուսում Շվեդիայի դիվանագիտական առաքելության ղեկավար, գործերի հավատարմատար Էվա Սունդքվիսթի հետ։

Հանդիպման ընթացքում անդրադարձ կատարվեց ՀՀ-ԵՄ, ՀՀ-Բելառուս և Շվեդիա-Բելառուս հարաբերություններին։

Կայացավ մտքերի փոխանակում Հարավային Կովկասում, ինչպես նաև Բելառուսում և վերջինիս շուրջ ընթացող զարգացումների և դրանց հեռանկարների առնչությամբ։

Զրուցակիցներն առանձին անդրադարձ կատարեցին Լեռնային Ղարաբաղի հակամարտությանը, մասնավորապես, 2020թ․ Ադրբեջանի կողմից Արցախի դեմ սանձազերծված ռազմական ագրեսիային և դրա արդյունքում ստեղծված իրավիճակին, ինչպես նաև 2022թ. սեպտեմբերի 13-ին ՀՀ ինքնիշխան տարածքի վրա Ադրբեջանի ռազմական վերջին հարձակմանը և դրա հետևանքներին։ Հյուրի խնդրանքով այս համատեքստում ՀՀ դեսպանը ներկայացրեց հայկական կողմի մոտեցումները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր