Բելառուսի Ազգային արխիվ այցելության վերաբերյալ

11 նոյեմբերի, 2022

2022թ. նոյեմբերի 10-ին Բելառուսում ՀՀ դեսպան Ռազմիկ Խումարյանը, դեսպանության դիվանագետներ Նարեկ Տիրատուրյանը և Արման Մելքումյանը այցելեցին Բելառուսի Հանրապետության Ազգային արխիվ, որտեղ կայացավ նրանց հանդիպումը հաստատության տնօրեն Անդրեյ Դեմյանյուկի և ղեկավար կազմի հետ։ Հանդիպմանը ներկա էր նաև «Անիվ» հայագիտական հետազոտությունների զարգացման և աջակցման հիմնադրամի գլխավոր տնօրեն և համահիմնադիր, պատմաբան, լրագրող Արմեն Խեչոյանը։

Երկուստեք բարձր գնահատվեց «Անիվ» հիմնադրամի գործունեությունը հայ-բելառուսական պատմական առնչությունների, այդ թվում՝ Հայրենական Մեծ պատերազմի տարիներին Բելառուսի ազատագրմանը մասնակցած հայ մարտիկների մասին տվյալների հավաքագրման, նրանց մարտական ուղու վրա լույս սփռելու տեսանկյունից, ինչպես նաև այդ համատեքստում Բելառուսի Ազգային արխիվի, գիտությունների ազգային ակադեմիայի պատմության ինստիտուտի և պետական այլ կառույցների ու դրանց ներքո գործող գիտահետազոտական հաստատությունների հետ արդյունավետ փոխգործակցությունը։ Դիտարկվեցին ՀՀ դեսպանության հետ ԲՀ Ազգային արխիվի փոխգործակցությանն ու, մասնավորապես, «Անիվ» հիմնադրամի հետ հետագա համագործակցության հեռանկարային ուղղություններին վերաբերող հարցեր։

Հանդիպմանը հաջորդեց ճանաչողական շրջայց, որի ընթացքում հնարավորություն ընձեռվեց ծանոթանալ պատմական արժեք ներկայացնող տարբեր տարիների բնօրինակ փաստաթղթերի, լուսանկարների, պարբերականների հրապարակումների և արխիվային այլ նյութերի։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր