Հանդիպում Բելառուսի Հանրապետության Ազգային ժողովի Ներկայացուցիչների պալատում

16 նոյեմբերի, 2022

2022թ․ նոյեմբերի 16-ին կայացավ Բելառուսի Հանրապետությունում ՀՀ դեսպան Ռազմիկ Խումարյանի հանդիպումը ԲՀ Ազգային ժողովի Ներկայացուցիչների պալատի նախագահի տեղակալ, ՀՀ ԱԺ և ԲՀ ԱԺ միջև համագործակցության հարցերով միջխորհրդարանական հանձնաժողովի համանախագահ Վալերի Միցկևիչի հետ։

Երկուստեք նշվեց ՀՀ և ԲՀ խորհրդարանականների միջև շփումների և երկխոսության հետագա խթանման կարևորության մասին։ Այս համատեքստում համակողմանիորեն դիտարկվեց միջխորհրդարանական փոխգործակցությունն ինչպես երկկողմ ձևաչափում, այնպես էլ տարածաշրջանային ինտեգրացիոն միավորումների ու միջազգային կազմակերպությունների համապատասխան հարթակների շրջանակներում։

Հանդիպման ընթացքում զրուցակիցներն անդրադարձան տարբեր ոլորտներում հայ-բելառուսական հարաբերությունների զարգացման դինամիկային։ Գոհունակություն արտահայտվեց հատկապես երկկողմ ապրանքաշրջանառության աճող ցուցանիշների կապակցությամբ։

Կայացավ մտքերի փոխանակում Բելառուսում և վերջինիս շուրջ, ինչպես նաև Հարավային Կովկասում իրադարձությունների զարգացումների վերաբերյալ։ Այս առնչությամբ ՀՀ դեսպանը զրուցակցին ներկայացրեց իրավիճակը թե՛ Լեռնային Ղարաբաղի հակամարտության, թե՛ 2022թ․ սեպտեմբերի 13-14-ը Ադրբեջանի կողմից ՀՀ դեմ սանձազերծված ռազմական ագրեսիայի ու դրա արդյուքնում ՀՀ ինքնիշխան տարածք ներխուժման համատեքստում։

Հանդիպման ավարտին դեսպան Խումարյանը Վ․Միցկևիչին նվիրեց «Հայ մարտիկները Բելառուսի համար մարտերում (1941-1944թթ.)» գիրքը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր