Մեկնարկեց Բելառուսի հայ երիտասարդության «Միասին» ֆորումը

16 սեպտեմբերի, 2023

2023թ. սեպտեմբերի 16-ին կայացավ Բելառուսի հայ երիտասարդության «Միասին» հավաքի հանդիսավոր բացումը:

Ներկա հայ երիտասարդներին դիմեց Բելառուսում Հայաստանի դեսպան Ռազմիկ Խումարյանը: Վկայակոչելով ֆորումի կարգախոսը՝ դեսպան Խումարյանն ընդգծեց հայ ժողովրդի միասնականության և համայն հայության, մասնավորապես շնորհալի երիտասարդության ջանքերի համախմբան կարևորությունը ի նպաստ հերոսական պայքարի արդյունքում ձեռք բերված հայոց պետականության ամրապնդման և հետագա առաջընթաց զարգացման։

Այս համատեքստում դեսպանը մեջբերեց Եղիշե Չարենցի պատգամը հայ ժողովրդի միասնականության հրամայականի մասին, որի գիտակցումը հատուկ կարևորություն է ստանում Հայաստանի Հանրապետության անկախության օրվան ընդառաջ և առկա մարտահրավերների լույսի ներքո:

Հավաք-ֆորումը հայ երիտասարդությանը նոր կապեր հաստատելու, համայնքային միջոցառումների անցկացումը քննարկելու հնարավորություն է ընձեռում՝ այդպիսով նպաստելով հայապահպանությանը Բելառուսում:

Ֆորումն անցնում է սեպտեմբերի 15-ից 17-ը Ռադոշկովիչի քաղաքային բնակավայրի մոտակայքում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր