Մայրենի լեզվին նվիրված միջոցառում Մինսկի Հայորդյաց կրթօջախում

03 մարտի, 2024

2024թ․ մարտի 2-ին Մինսկի թիվ 8 գիմնազիայի շենքում գործող Հայորդյաց կրթօջախը կազմակերպել էր Մայրենի լեզվի միջազգային օրվան նվիրված միջոցառում։

Կրթօջախի սաները և ուսուցչական կազմը ներկայացրեցին մայրենի լեզվին ձոնված հայ դասականների բանաստեղծություններ։

Ծրագրում ընգրկված էին վիկտորինաներ, ասմունք, երգերի ու պարերի կատարումներ։ Կրթօջախի սաները ներկայացրեցին «Չարի վերջը» հեքիաթի տիկնիկային բեմադրությունը։

Միջոցառման առանձին բաժին հատկացվեց Կոմիտասին, Արամ Խաչատրյանին, Պարույր Սևակին, Շառլ Ազնավուրին, Սերգեյ Փարաջանովին, որոնցից ոմանց հոբելյանները նշվում են այս տարի։

Կրթօջախի տնօրեն Գայանե Աղաջանյանը, ուսուցիչներն ու սաների ծնողները իրենց ելույթներում ընդգծեցին մայրենիի իմացության կարևորությունը և դրա ուղիղ կապը հայապահպանության և հայրենասիրության հետ։

Միջոցառմանը ներկա էր Բելառուսում Հայաստանի Հանրապետության դեսպանության ողջ անձնակազմը։

Իր խոսքում Բելառուսում ՀՀ դեսպան Ռազմիկ Խումարյանը խորհրդանշական համարեց այն, որ միջոցառման անցկացումը համընկել է ՀՀ Դիվանագետի օրվա հետ, նշելով որ ՀՀ դեսպանությունների ու սփյուռքի հայկական կրթօջախների առաքելություններն ունեն որոշակի ընդհանրություններ։ Դեսպանը երախտագիտություն հայտնեց դպրոցի ուսուցչական կազմին հայ մանուկներին հայեցի դաստիարակելու և մայրենի լեզվին հաղորդակից դարձնելու համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր