Մինսկում անցկացված «Հանգիստ-2024» զբոսաշրջային ծառայությունների ցուցահանդես-տոնավաճառի շրջանակներում ներկայացվեց ՀՀ զբոսաշրջային ներուժը

22 ապրիլի, 2024

2024թ. ապրիլի 18-20-ը Մինսկում կայացած զբոսաշրջության ոլորտում մատուցվող ծառայությունների «Հանգիստ-2024» միջազգային մասնագիտացված ցուցահանդես-տոնավաճառի շրջանակներում ս.թ. ապրիլի 19-ին ՀՀ դեսպանությունն անցկացրեց ՀՀ զբոսաշրջային ներուժի շնորհանդեսը:

Ողջույնի խոսքով ցուցահանդես-տոնավաճառի կազմակերպիչներին, այցելուներին ու դիվանագիտական կորպուսի ներկայացուցիչներին դիմեց Բելառուսում ՀՀ դեսպան Ռազմիկ Խումարյանը: Ի թիվս մի շարք ասպեկտների՝ դեսպան Խումարյանն անդրադարձ կատարեց ՀՀ տարածքում առկա բնության այն բացառիկ գեղատեսիլ վայրերին ու հուշարձաններին, որոնց շնորհիվ Հայաստանն աշխարհին ներկայանում է որպես զբոսաշրջային ուրույն գրավչություն ունեցող երկիր:

Դեսպանն անդրադարձավ նաև զբոսաշրջության ոլորտում ՀՀ-ում իրականացվող պետական քաղաքականությանն ու մեծապես դրանով պայմանավորված այն գործոններին ու պայմաններին, որոնք հայ ժողովրդին ներհատուկ հյուրընկալության և պատմամշակութային հարուստ ժառանգության ֆոնին խթանում են զբոսաշրջային ոլորտի, դրա ենթակառուցվածքների զարգացումը՝ մեծապես նպաստելով զբոսաշրջային հոսքերի աճին մի շարք պետություններից, այդ թվում՝ վերջին տարիներին նաև Բելառուսից:

Այնուհետև ներկայացվեցին ՀՀ էկոնոմիկայի նախարարության զբոսաշրջության կոմիտեի պատրաստած հոլովակները, որոնք բացահայտում են ՀՀ-ում զբոսաշրջության զարգացման հիմնական ուղղություններն ու որոնց զգալի մասը հեռանկարային է նաև Բելառուսի հետ ոլորտային փոխգործակցության ծավալման և բելառուս զբոսաշրջիկների կողմից ՀՀ այցելությունների թվի հետագա աճի ապահովման տեսանկյունից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր