ՀՀ Լոռու մարզպետի գլխավորած պատվիրակության այցը Վիտեբսկ

18 հուլիսի, 2012

2012թ. հուլիսի 16-18-ը Բելառուսի Հանրապետություն էր այցելել ՀՀ Լոռու մարզպետ Ա.Նալբանդյանի գլխավորած պատվիրակությունը, որի կազմում էին Վանաձորի քաղաքապետ Ս.Դարբինյանը, Ալավերդու քաղաքապետ Ա.Վարոսյանը և Սպիտակի քաղաքապետ Գ.Սահակյանը: Պատվիրակությանը ուղեկցել է ՀՀ դեսպանության խորհրդական Գ.Հայրապետյանը:

Հուլիսի 16-ին կայացել է ՀՀ Լոռու մարզի և ԲՀ Վիտեբսկի մարզի միջև համագործակցության մասին համաձայնագրի ստորագրումը: Նույն օրը Վանաձորի և Վիտեբսկի քաղաքապետերը կնքել են ՙքույր քաղաքներ՚ կարգավիճակ հաստատելու մասին համաձայնագիր:

Հուլիսի 17-ին ՙքույր քաղաքներ՚ կարգավիճակ հաստատելու մասին համաձայնագիր կնքել են Սպիտակի և Օրշայի քաղաքապետերը:

Հուլիսի 18-ին ՙքույր քաղաքներ՚ կարգավիճակ հաստատելու մասին համաձայնագիր կնքել են Ալավերդու և Պոլոցկի քաղաքապետերը:

Կայացած Հանդիպումների ընթացքում քննարկվել է տարածքային կառավարման փորձի փոխանակման, մարզերի և քաղաքների միջև մշակութային համագործակցության հաստատման, երկկողմ տնտեսական համագործակցության զարգացմանն առնչվող հարցեր:

Այցի ընթացքում ՀՀ պատվիրակությունը այցելել է տարածաշրջանի մի շարք մշակութային հաստատություններ և արդյունաբերական ձեռնարկություններ:

Պայմանավորվածություն է ձեռք բերվել Վիտեբսկի մարզի պատվիրակության ՀՀ այցելության վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր