ՀՀ դեսպանության շենքի բացում

31 մայիսի, 2013

Մայիսի 31-ին տեղի ունեցավ Բելառուսի Հանրապետությունում Հայաստանի Հանրապետության դեսպանության շենքի բացման հանդիսավոր արարողությունը:

Միջոցառմանը մասնակցեցին ՀՀ վարչապետ Տ.Սարգսյանի գլխավորած պատվիրակությունը, որը ժամանել էր Մինսկ ԱՊՀ կառավարությունների ղեկավարների խորհրդի նիստին, ԲՀ վարչապետ Մ.Մյասնիկովիչը, ԲՀ ԱԺ Ներկայացուցչական պալատի նախագահի տեղակալ, Հայ-բելոռուսական միջխորհրդարանական համագործակցության խմբի համանախագահ Վ.Գումինսկին, ԲՀ ԱԳ նախարարի առաջին տեղակալ Ա.Միխնևիչը, ԱՊՀ գործադիր քարտուղար Ս.Լեբեդևը, Բելառուսում հավատարմագրված դիվանագիտական առաքելությունների և միջազգային կազմակերպությունների, ինչպես նաև հայ համայնքի ներկայացուցիչներ:

Բացման խոսքում ՀՀ դեսպանը մասնավորապես նշեց, որ ՀՀ նախագահ Ս.Սարգսյանի և ԲՀ նախագահ Ա.Լուկաշենկոյի միջև ձևավորված ջերմ և գործնական հարաբերությունները, որ դրսևորվեցին ԲՀ նախագահի վերջերս Հայաստան կատարած այցի ընթացքում, նոր լիցք հաղորդեցին երկկողմ հարաբերություններին: ՀՀ դեսպանը խորհրդանշանական համարեց ՀՀ դեսպանության շենքի բացումը՝ Հայաստանի և Բելառուսի միջև դիվանագիտական հարաբերությունների հաստատման 20-ամյակին:

ՀՀ վարչապետը Ս.Սարգսյանը արձանագրեց, որ երկու երկրների հարաբերությունները զարգանում են բարեկամական և սերտ համագործակցության հունով, կարևորեց, որ երկկողմ հարաբերություններում արձանագրված չէ որևէ խնդիր, վստահություն հայտնեց, որ ՀՀ դեսպանության շենքի գործարկումը կնպաստի ՀՀ դիվանագիտական առաքելության հետագա արդյունավետ գործունեությանը:

ԲՀ վարչապետ Մ.Մյասնիկովիչը արձանագրեց երկկողմ հարաբերությունների բարձր մակարդակը, նշեց, որ երկու երկրների միջև չկան քննարկման համար փակ թեմաներ և հաջողություն մաղթեց ՀՀ դեսպանությանը դիվանագիտական առաքելության իրականացման գործում:

ՀՀ վարչապետ Տ.Սարգսյանը, ԲՀ վարչապետ Մ.Մյասնիկովիչի և ՀՀ արտակարգ և լիազոր դեսպան Ա.Խաչատրյանը կտրեցին մուտքի խորհրդանշական ժապավենը:

Այնուհետև հյուրերը հրավիրվեցին դեսպանություն, որտեղ կազմակերպված էր ընդունելություն, որի ընթացքում ՀՀ դեսպանը ուղեկցությամբ ՀՀ և ԲՀ վարչապետները շրջեցին ՀՀ դեսպանության շենքում, ծանոթացան ՀՀ առաքելության աշխատանքային պայմաններին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր