ՀՀ Անկախության 25-ամյակին նվիրված ընդունելիություն Մինսկում

21 սեպտեմբերի, 2016

2016թ. սեպտեմբերի 21-ին Բելառուսի Հանրապետությունում Հայաստանի Հանրապետության դեսպանությունը կազմակերպել էր ընդունելություն` նվիրված ՀՀ անկախության 25-րդ տարեդարձի կապակցությամբ:

Միջոցառմանը ներկա էին Բելառուսի Հանրապետության իշխանության բոլոր ճյուղերի ներկայացուցիչները՝ ԲՀ Ազգային Ժողովի Ներկայացուցիչների Պալատի նախագահի տեղակալ Վիկտոր Գումինսկին, ԲՀ ԱԳ նախարարի առաջին տեղակալ Անդրեյ Եվդոչենկոն և այլ բարձրաստիճան հյուրեր: Միջոցառմանը ներկա էին նաև Բելառուսի Հանրապետությունում հավատարմագրված դիվանագիտական առաքելությունների ու միջազգային կազմակերպությունների ղեկավարներ, օտարերկրյա դիվանագետներ, հայ համայնքի և Բելառուսի Հանրապետության մտավորականության ներկայացուցիչներ:

Ելույթով հանդես եկավ Բելառուսում ՀՀ դեսպան Ա.Խաչատրյանը, ով ներկայացրեց Հայաստանի Հանրապետության անցած 25-ամյա ուղին, պատմությունը, ձեռքբերումները, արտաքին և ներքին քաղաքական իրավիճակը: Դեսպան Խաչատրյանը բարձր գնահատեց հայ-բելառուսական հարաբերությունների ներկա մակարդակը, երկու երկրների քաղաքական, տնտեսական և մշակութային կապերը, համագործակցությունը միջազգային ասպարեզում և միջազգային կազմակերպությունների շրջանակում:

Բելառուսական կողմից ելույթ ունեցավ Բելառուսի Հանրապետության արտաքին գործերի նախարարի առաջին տեղակալ Անդրեյ Եվդոչենկոն, ով շնորհավորեց անկախության 25-րդ տարեդարձի կապակցությամբ ու նշեց, որ Հայաստանը այս տարիների ընթացքում մեծ ձեռքբերումներ ունի, և տարեց տարի ավելի է բարձրանում Հայաստանի հեղինակությունը միջազգային ասպարեզում:

Ա.Եվդոչենկոն անդրադարձավ նաև հայ-բելառուսական բարեկաման հարաբերություններին, ընդհանուր պատմության, ներկա քաղաքական, հումանիտար և տնտեսական հարաբերությունների բարձր մակարդակին և խոսեց երկու ազգերի միջև ստեղծված բարեկամական կապերի ու Բելառուսի մշակույթի, գիտության և տնտեսության զարգացման գործում հայ համայնքի ներդրման մասին:

Միջոցառմանը հանդես եկան «Էրեբունի» պարի համույթը և հանրահայտ երգիչ Եղիազար Ֆարաշյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր