Հայաստանի անկախության 25-ամյակին նվիրված միջոցառում Մինսկում

10 սեպ, 2025

Սեպտեմբերի 21-ին Բելառուսի Հանրապետությունում Հայաստանի Հանրապետության դեսպանության կողմից կազմակերպվել էր ընդունելություն` նվիրված ՀՀ անկախության 25-ամյակին:

Միջոցառմանը ներկա էին Բելառուսի Հանրապետության Ազգային ժողովի ներկայացուցիչների պալատի նախագահի տեղակալ Վիկտոր Գումինսկին, ԱԳ նախարարի առաջին տեղակալ Անդրեյ Եվդոչենկոն, Բելառուսում հավատարմագրված դիվանագիտական առաքելությունների ու միջազգային կազմակերպությունների ղեկավարներ, օտարերկրյա դիվանագետներ, հասարակական-քաղաքական ոլորտի ներկայացուցիչներ, հայ համայնքի անդամներ և այլ բարձրաստիճան հյուրեր:

Ելույթով հանդես եկավ Բելառուսում ՀՀ դեսպան Արմեն Խաչատրյանը, ով, մասնավորապես, ներկայացրեց Հայաստանի Հանրապետության 25-ամյա ուղին, պատմությունը և ձեռքբերումները: Դեսպան Խաչատրյանը բարձր գնահատեց հայ-բելառուսական հարաբերությունների ներկա մակարդակը, երկու երկրների քաղաքական, տնտեսական և մշակութային կապերը, համագործակցությունը միջազգային կազմակերպությունների շրջանակում:

Բելառուսական կողմից ելույթ ունեցավ Բելառուսի Հանրապետության արտաքին գործերի նախարարի առաջին տեղակալ Անդրեյ Եվդոչենկոն, ով շնորհավորեց անկախության 25-ամյակի կապակցությամբ ու նշեց, որ Հայաստանը այս տարիների ընթացքում մեծ ձեռքբերումներ է արձանագրել:

Հայ-բելառուսական հարաբերությունների համատեքստում փոխնախարարի Եվդոչենկոն առանձնահատուկ ընդգծեց բելառուսահայ համայնքի՝ երկու ժողովուրդների միջև ստեղծված բարեկամական կապերի ու Բելառուսի մշակույթի, գիտության և տնտեսության զարգացման գործում ունեցած կարևոր դերակատարությունը:

Միջոցառմանը կատարումներով հանդես եկան «Էրեբունի» պարային համույթը և հանրահայտ երգիչ Եղիազար Ֆարաշյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր