Հայրենական մեծ պատերազմի հաղթանակին նվիրված ցուցահանդես ԱՊՀ գործադիր կոմիտեում

30 ապրիլի, 2019

Ս․թ․ ապրիլի 30-ին ԱՊՀ Գործադիր կոմիտեում բացվեց Հայրենական մեծ պատերազմում հաղթանակի 74-ամյակին, Լենինգրադի ապաշրջափակման 75-ամյակին, ինչպես նաև Բելառուսի ազատագրման 75-ամյակին նվիրված լուսանկարների ցուցահանդես։
Ողջունելով հյուրերին՝ ԱՊՀ գործադիր կոմիտեի նախագահի-առաջին տեղակալ Վ․Գումինսկին կարևորեց նախկին Խորհրդային Միության ժողովուրդների համատեղ պայքարն ու ներդրումն ընդհանուր հաղթանակին նվիրված գործում։
Այնուհետ ելույթ ունեցավ ԱՊՀ կանոնադրական և այլ մարմիններում ՌԴ մշտական ներկայացուցիչ Ա․Գրոզովն, ով իր խոսքում մասնավորապես ընդգծեց ֆաշիզմի դեմ հաղթանակում ինչպես միութենական պետությունների, այնպես էլ դաշնակիցների մեծ ներդրումը։
Ցուցահանդեսին առանձին ցուցադրավահանով ներկայացված էին նաև Հայրենական մեծ պատերազմին մասնակից հայազգի ականավոր զորահրամանատարի լուսանկարներ և համապատասխան նյութեր, որոնց ամփոփման հարցում ԱՊՀ ՀՀ մշտական ներկայացուցչությանն աջակցություն է ցուցաբերվել «Մայր Հայաստան» ռազմապատմական թանգարանի կողմից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր