Բելառուսի Բոբրույսկի հայ համայնքի կազմավորման 20-ամյակին նվիրված միջոցառումների մասին

25 մայիսի, 2019

Մայիսի 25-ին կայացան Բելառուսի Բոբրույսկի հայ համայնքի կազմավորման 20-ամյակին նվիրված միջոցառումներ։
Հոբելյանական միջոցառմանը ԲՀ-ում ՀՀ դեսպան Ա․Ղևոնդյանն իր խոսքում, շնորհավորելով համայնքային կառույցի ձևավորման 20-կի կապակցությամբ, կարևորեց այն, որ Բոբրույսկի հայ համայնքը՝ ներդաշնակ ներգրավված լինելով բելառուսական հասարակության կյանքում, իր գործունեության առաջինն իսկ օրվանից ստանձնել է երկու կենսական գործառույթ․ նպաստել երկու ժողովուրդների միջև բարեկամության ամրապնդմանն ու, միաժամանակ, պահպանել ազգային ինքնությունը, լեզուն, ավանդույթները։
Բոբրույսկի հայ համայնքի ղեկավար Արշակ Թանդիլյանն իր ելույթում խոսեց համայնքի անցած ճանապարհի ու հայտնի ներկայացուցիչների մասին։
Միջոցառմանը ներկա էին նաև «Հայաստան» մինսկյան քաղաքային մշակութալուսավորչական միության» նախագահ Գ․Եղիազարյանը, Մոգիլյովի մարզային հայկական սփյուռքի նախագահ Կարեն Փամբուխչյանը, Բոբրույսկի և Բելառուսի հայ համայնքի ներկայացուցիչներ։
Հոբելյանական տոնակատարությունների շրջանակներում հանդիսավոր պայմաններում Բոբրույսկի հայկական կիրակնօրյա դպրոցի յոթ ունկնդիրներին հանձնվեցին ավարտական անդորրագրերը ։
Վերոնշյալ միջոցառումները լուսաբանվեցին «Բոբրույսկ 360» /«Бобруйск 360»/ տեղական հեռուստաալիքի կողմից «Շաբաթվա ամփոփում» /«Итоги недели»/ հեռուստածրագրի եթերում (հասանելի է հետևյալ հասցեով՝ https://www.youtube.com/watch?v=THj7sT_k-M8&feature=youtu.be&t=1456&fbclid=IwAR0GqSni-PfPqV5Xx9oA1fZyptRSkhxGEED7vUFIISzZOoFiukzoOOSlvkk)

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր