«Արի պարի քոչարի» ֆլեշմոբի մասին

25 մայիսի, 2019

Մայիսի 25-ին Մինսկի «Столица» զվարճաառևտրային համալիրում, Մինսկի քաղաքային գործադիր կոմիտեի հետ նախապես ձեռք բերված համաձայնությամբ ու ԲՀ-ում ՀՀ դեսպանության անմիջական աջակցությամբ,«Հայաստան» մինսկյան քաղաքային մշակութալուսավորչական միության» կողմից կազմակերպվեց «Արի պարի քոչարի» պարային ֆլեշմոբը։
Բացման խոսքով հանդես եկավ «Հայաստան» մինսկյան քաղաքային մշակութալուսավորչական միության» նախագահ Գ․Եղիազարյանը, ով իր ելույթում նշեց, որ այս տարվա «Արի պարի քոչարի» ֆլեշմոբը նվիրված է Վարդապետ Կոմիտասի և Հովհ․Թումանյանի 150-ամյակին։
Միջոցառմանը ելույթով հանդես եկան «Էրեբունի» պարային համույթի սաները։ Պարային ֆլեշմոբին մասնակցեցին ինչպես հայկական սփյուռքի, այնպես էլ համալիր այցելած տարբեր ազգերի ներկայացուցիչներ։

Նույն օրն՝ ավելի վաղ, Բելառուսի Մոգիլյովի մարզի Բոբրույսկ քաղաքում հայ համայնքի 20-ամյակին նվիրված միջոցառումների շարքում Բոբրույսկի «Մասիս» հայկական միության կողմից ևս կազմակերպվեց «Արի պարի քոչարի» խորագրով միջոցառում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր