Կայացավ ԱՊՀ կանոնադրական և այլ մարմիններում Մշտական լիազոր ներկայացուցիչների խորհրդի հերթական նիստը

19 հունիսի, 2019

Ս․թ․ հունիսի 19-ին ԱՊՀ կանոնադրական և այլ մարմիններում ՀՀ մշտական լիազոր ներկայացուցիչ, Բելառուսում Հայաստանի դեսպան Արմեն Ղևոնդյանն ԱՊՀ Գործադիր կոմիտեում մասնակցեց ԱՊՀ կանոնադրական և այլ մարմիններում Մշտական լիազոր ներկայացուցիչների խորհրդի հերթական նիստին։

Նիստի ընթացքում, համաձայն օրակարգի, քննարկվեցին ս․թ․ մայիսի 31-ին Աշխաբադում կայացած ԱՊՀ կառավարությունների ղեկավարների խորհրդի նիստի արդյունքները, ինչպես նաև Մշտական լիազոր ներկայացուցիչների խորհրդի և ԱՊՀ Գործադիր կոմիտեի խնդիրներն՝ ընդունված փաստաթղթերի իրագործման ուղղությամբ։

Անդրադարձ է կատարվել նաև 2019թ․ երկրորդ կիսամյակում նախատեսված ԱՊՀ Արտաքին գործերի նախարարների խորհրդի և Պետությունների ղեկավարների խորհրդի հերթական նիստերի նախապատրաստման ընթացքին։

Մշտական լիազոր ներկայացուցիչների խորհուրդը լսեց տեղեկատվություն Բնական և տեխնածին բնույթի արտակարգ իրավիճակների միջպետական խորհրդի գործունեության, ինչպես նաև ԱՊՀ-ում 2019թ․ Թուրքմենստանի նախագահության հայեցակարգի իրագործման ընթացքի վերաբերյալ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր