Դեսպան Արմեն Ղևոնդյանի հանդիպումը Լեոնիդ Գուլյակոյի հետ

25 հունիսի, 2019

Դեսպան Արմեն Ղևոնդյանի հանդիպումը ԲՀ Կրոնների և ազգությունների հարցերով հանձնակատարի հետ

Հունիսի 25-ին Բելառուսում ՀՀ դեսպան Արմեն Ղևոնդյանը հանդիպում ունեցավ Բելառուսի Կրոնների և ազգությունների հարցերով հանձնակատար Լեոնիդ Գուլյակոյի (Леонид Гуляко) հետ։

Հանդիպման ընթացքում կողմերը փոխանակվեցին միջազգային և միջկրոնական հարաբերությունների, ինչպես նաև արտերկրում բնակվող հայրենակիցների հետ փոխգործակցության ոլորտում ունեցած փորձին առնչվող տեղեկատվությամբ։

Կողմերն անդրադարձան ազգային համերաշխության հետագա զարգացմանը, Բելառուսի ազգային համայնքների պատմությանը, մշակույթին և լեզվին վերաբերող հարցերին, ինչպես նաև ներդաշնակ ապրելու բազմադարյա ավանդույթներին։

Կրոնների և ազգությունների հարցերով հանձնակատարն իր պատրաստակամությունը հայտնեց Բելառուսի գործող օրենսդրության շրջանակներում, անհրաժեշտության դեպքում, աջակցելու Հայ առաքելական եկեղեցու կրոնական համայնքների կայացման և հետագա զարգացման գործում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր