Մշտական և լիազոր ներկայացուցիչների խորհրդի հերթական նիստի վերաբերյալ

26 հուլիսի, 2019

Ս․թ․ հուլիսի 26-ին ԱՊՀ Գործադիր կոմիտեում կայացավ ԱՊՀ կանոնադրական և այլ մարմիններում Մշտական լիազոր ներկայացուցիչների խորհրդի հերթական նիստը, որին մասնակցեց ԱՊՀ կանոնադրական և այլ մարմիններում ՀՀ մշտական լիազոր ներկայացուցիչ, Բելառուսում Հայաստանի դեսպան Արմեն Ղևոնդյանը։

Նիստի ընթացքում ձևավորվեցին Աշխաբադում՝ համապատասխանաբար ս․թ․ հոկտեմբերի 10-ին և 11-ին կայանալիք ԱՊՀ Արտաքին գործերի նախարարների խորհրդի և Պետությունների ղեկավարների խորհրդի հերթական նիստերի օրակարգերի նախագծերը ։

Ս․թ․ հոկտեմբերի 25-ին Մոսկվայում նախատեսված ԱՊՀ կառավարությունների ղեկավարների խորհրդի հերթական նիստի նախապատրաստման համատեքստում քննարկվեցին որոշ առաջարկություններ օրակարգի նախագծի մասով, որը ծրագրվում է ձևավորել ընթացիկ տարվա օգոստոսին՝ ԱՊՀ մասնակից պետությունների նախարարությունների և գերատեսչությունների հետ այն մշակելուց հետո։

Բացի այդ նիստի ընթացքում ընդունվեց ս․թ․ մայիսի 31-ին Աշխաբադում կայացած ԱՊՀ կառավարությունների ղեկավարների խորհրդի որոշումներից բխող հանձնարարականների կատարման ուղղությամբ ԱՊՀ Գործադիր կոմիտեի, ԱՊՀ կանոնադրական և այլ մարմիններում Մշտական լիազոր ներկայացուցիչների խորհրդի և ԱՊՀ Տնտեսական խորհրդին կից Տնտեսական հարցերով հանձնաժողովի միջոցառումների համատեղ ծրագիրը։ Դիտարկվեց նաև ԱՊՀ Պետությունների ղեկավարների խորհրդի /2018թ․ սեպտեմբերի 28/, Կառավարությունների ղեկավարների խորհրդի /2018թ․ նոյեմբերի 2/ և ԱԳ նախարարների խորհրդի /2018թ․ սեպտեմբերի 27/ որոշումներից, ինչպես նաև նշյալ նիստերին պատվիրակությունների ղեկավարների առաջարկություններից բխող հանձնարարականների կատարման ուղղությամբ համանման համատեղ ծրագրի իրագործման ընթացքը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր