Հայաստանի վարչապետի ուղերձը

19 սեպտեմբերի, 2019

Ս․թ․ սեպտեմբերի 19-ին Բելառուսում Հայաստանի դեսպան Ա․Ղևոնդյանը մասնակցել է Մինսկում անցկացվող «Եվրասիական տնտեսական միության մասին Պայմանագրի 5 տարին․ Դատարանի դերը» խորագրով համաժողովի աշխատանքներին և ընթերցել Հայաստանի Հանրապետության վարչապետ, Եվրասիական տնտեսական բարձրագույն խորհրդի նախագահ Ն․Փաշինյանի ողջույնի ուղերձը։

Հայաստանի վարչապետի ուղերձում առանձնանշված է ԵԱՏՄ Դատարանի առանձնահատուկ դերակատարությունը Եվրասիական տարածաշրջանում ինտեգրացիոն գործընթացների խորացման, ինչպես նաև կոոպերատիվ կապերի զարգացման, առևտրային և ներդրումային փոխգործակցության մասշտաբների ընդլայնման գործընթացներում իրավական ապահովման գործում։

Երկօրյա համաժողովի մասնակիցներին և կազմակերպիչներին ողջույնի ուղերձներ են հղվել նաև ԵԱՏՄ անդամ պետությունների և խորհրդարանների ղեկավարների կողմից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր