Հայաստանի Անկախության օրը Մինսկի «Բարեկամության տանը»

20 սեպտեմբերի, 2019

Ս․թ․ սեպտեմբերի 20-ին Արտասահմանյան երկրների հետ բարեկամության և մշակութային կապի բելառուսական միության ու «Բելառուս-Հայաստան» բարեկամության ընկերակցության կողմից, Բելառուսում Հայաստանի դեսպանության հետ համատեղ կազմակերպվել էր ստեղծագործական երեկո՝ նվիրված Հայաստանի Հանրապետության Անկախության օրվան։

Միջոցառմանը ողջույնի խոսքով հանդես եկան Բելառուսի Հանրապետության Ազգային ժողովի Ներկայացուցիչների պալատի նախագահի տեղակալ, հայ-բելառուսական միջխորհրդարանական հանձնաժողովի համանախագահ Բոլեսլավ Պիրշտուկը և «Բելառուս-Հայաստան» ընկերակցության նախագահ, «Բելառուս» միջազգային ռադիոյի գլխավոր տնօրեն Նաում Գալպերովիչը։

Ելույթ ունենալով երեկոյին ներկա հյուրերի առջև՝ Բելառուսում ՀՀ դեսպան Արմեն Ղևոնդյանն ընդգծեց այս նշանավոր օրվա առանցքային նշանակությունը պետականաշինության և կառույցների ձևավորման գործում՝ ի նպաստ անվտանգության ու խաղաղության պայմաններում քաղաքացիական հասարակության ամրապնդմանն ու յուրաքանչյուր քաղաքացու ներուժի բացահայտմանը։ Հայաստանի դիվանագիտական առաքելության ղեկավարը կարևորեց նաև հայ և բելառուս ժողովուրդների փոխադարձ հարգանքի և մշակութային բազմազանությամբ հարստացված դարավոր բարեկամության հունով երկկողմ հարաբերությունների զարգացումը։

Երեկոյի ընթացքում հնչեցին հայ և բելառուս կոմպոզիտորների ստեղծագործություններ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր