Հայաստանի Անկախության տոնին նվիրված ընդունելություն

25 սեպտեմբերի, 2019

Ս․թ․ սեպտեմբերի 25-ին Հայաստանի Հանրապետության Անկախության օրվա կապակցությամբ Բելառուսում Հայաստանի դեսպանությունը կազմակերպել էր պաշտոնական ընդունելություն։

Միջոցառմանը ներկա էին Բելառուսի գործադիր և օրենսդիր իշխանության ներկայացուցիչներ, ԲՀ-ում հավատարմագրված դիվանագիտական առաքելությունների և միջազգային կազմակերպությունների ներկայացուցչությունների ղեկավարներ և ներկայացուցիչներ, գիտական, կրթական, մշակութային և հասարակական կառույցների ղեկավարներ, զանգվածային լրատվամիջոցների ներկայացուցիչներ, ինչպես նաև Մինսկի ու Բելառուսի մարզային հայկական համայնքների անդամներ:

Ողջունելով ներկաներին՝ Բելառուսում Հայաստանի դեսպան Ա․Ղևոնդյանն իր խոսքում կարևորել է անկախության նշանակությունն ու արժեքը, որոնց ամրապնդման ճանապարհին հաղթահարվել են բազմաթիվ խնդիրներ։ Նշվել է նաև հայ ժողովրդի վճռականությունն Անկախության հռչակագրով ամրագրված նպատակների՝ խաղաղության, անվտանգության և համազգային միավորման պայմաններում հայրենիքի զարգացման, յուրաքանչյուր քաղաքացու ներուժի իրականացման հարցում։

Ընդգծվել է նաև, որ այդ արժեքները կիսում է Բելառուսի ժողովուրդը, որի հետ պատմականորեն ձևավորված բարեկամական կապերի ներքո այսօր զարգանում են հայ-բելառուսական միջպետական հարաբերությունները, որոնց ապահովման հարցում իր լուման ունի նաև Բելառուսի հայ համայնքը։

Հայ-բելառուսական միջկառավարական հանձնաժողովի համանախագահ, Բելառուսի անտառային տնտեսության նախարար Վիտալի Դրոժժան իր խոսքում, շնորհավորելով հայ ժողովրդին Անկախության օրվա կապակցությամբ, ընդգծել է հայ և բելառուս ժողովուրդների դարավոր բարեկամությունը՝ հատուկ առանձնանշելով հայ մարտիկների ներդրումը Բելառուսի ազատագրման գործում։ Հանձնաժողովի համանախագահն անդրադարձել է նաև երկկողմ առևտրատնտեսական հարաբերությունների ու միջմշակութային կապերի խորացմանն ու զարգացմանը։

Միջոցառման ընթացքում ելույթ են ունեցել Բելառուսի վաստակավոր արտիստուհի Իսկուհի Աբալյանը, ինչպես նաև «Էրեբունի» ազգային պարի համույթը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր