ԱՊՀ մշտական և լիազոր ներկայացուցիչների խորհրդի նիստի առնչությամբ

16 հոկտեմբերի, 2019

2019թ․ հոկտեմբերի 16-ին Մինսկում՝ ԱՊՀ Գործադիր կոմիտեում, կայացավ ԱՊՀ մասնակից պետությունների մշտական և լիազոր ներկայացուցիչների խորհրդի հերթական նիստը։
Նիստի ընթացքում քննարկվեցին ԱՊՀ Արտաքին գործերի նախարարների խորհրդի և ԱՊՀ պետությունների ղեկավարների խորհրդի ս․թ․ հոկտեմբերի 10-11-ը Աշխաբադում կայացած նիստերի արդյունքները, ինչպես նաև ս․թ․ հոկտեմբերի 25-ին Մոսկվայում անցկացվելիք ԱՊՀ կառավարությունների ղեկավարների հերթական նիստի նախապատրաստական աշխատանքների ընթացքը։
Մշտական և լիազոր ներկայացուցիչները դիտարկեցին նաև Պարբերական տպագրության, գրահրատարակման, գրքի տարածման և տպագրական արդյունաբերության ոլորտում համագործակցության միջպետական խորհրդի գործունեության արդյունքները՝ խորհրդի ուշադրությունը հրավիրելով Համագործակցության մասնակից պետություններում ժողովածուների, այդ թվում՝ էլեկտրոնային տարբերակների զագացման և տարածման ուղղությամբ համատեղ աշխատանքի անհրաժեշտության վրա։
Մշտական ներկայացուցիչների խորհրդի նիստին համաձայնեցվեց ԱՊՀ Գործադիր կոմիտեի նախագահ-գործադիր քարտուղար Ս․Լեբեդևի թեկնածությունը ս․թ․ դեկտեմբերի 22-ին Ուզբեկստանի Հանրապետության Օլի Մաժլիսի Օրենսդիր պալատի ընտրություններում որպես ԱՊՀ դիտորդական առաքելության ղեկավար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր