Սահմանապահ զորքերի հրամանատարների խորհրդի նիստի վերաբերյալ

17 հոկտեմբերի, 2019

2019թ․ հոկտեմբերի 17-ին Մինսկում կայացավ Սահմանապահ զորքերի հրամանատարների խորհրդի 82-րդ նիստը, որի աշխատանքներին մասնակցեցին ԱՊՀ մասնակից պետությունների սահմանապահ գերատեսչությունների և Սահմանապահ զորքերի հրամանատարների խորհրդի Համակարգող ծառայության պատվիրակությունները։
Հայաստանի Հանրապետության պատվիրակությունը գլխավորում էր Ազգային անվտանգության ծառայության Սահմանապահ զորքերի հրամանատար Վաղինակ Սարգսյանը։
Նիստի ընթացքում քննարկվեցին ԱՊՀ մասնակից պետությունների արտաքին սահմաններին տիրող իրավիճակն ու զարգացման միտումները, 2019թ․ Սահմանապահ զորքերի հրամանատարների խորհրդի գործունեության արդյունքներն ու 2020թ․ համար գերակա խնդիրները, սահմանային գործողությունների իրականացման արդյունքները և հաջորդ տարի դրանց կազմակերպման հարցերը։
Նիստի աշխատանքներին մասնակցություն ունեցավ նաև Բելառուսում Հայաստանի դեսպան, ԱՊՀ-ում ՀՀ մշտական և լիազոր ներկայացուցիչ Արմեն Ղևոնդյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր