«Ընտրությունների ինստիտուտը որպես հանրային իշխանության լեգիտիմացիայի մեխանիզմ» խորագրով միջազգային համաժողովի վերաբերյալ

18 հոկտեմբերի, 2019

2019թ․ հոկտեմբերի 17-18-ը Մինսկում կայացավ «Ընտրությունների ինստիտուտը որպես հանրային իշխանության լեգիտիմացիայի մեխանիզմ» խորագիրը կրող միջազգային համաժողովը, որը կազմակերպվել էր ԱՊՀ Միջխորհրդարանական վեհաժողովի ու ԱՊՀ Գործադիր կոմիտեի կողմից՝ Ընտրությունների և հանրապետական հանրաքվեների անցկացման Բելառուսի կենտրոնական հանձնաժողովի հետ համատեղ։
Համաժողովի աշխատանքներին մասնակցեցին Բելառուսի Ազգային ժողովի Հանրապետության խորհրդի /խորհրդարանի վերին պալատ/ նախագահ Մ․Մյասնիկովիչը, Ընտրությունների և հանրապետական հանրաքվեների անցկացման Բելառուսի կենտրոնական հանձնաժողովի նախագահ Լ․Երմոշինան, ԱՊՀ ՄԽՎ Խորհրդի գլխավոր քարտուղար – Քարտուղարության ղեկավար Դ․Կոբիցկին, Բելառուսում հավատարմագրված ԱՊՀ մասնակից պետությունների դիվանագիտական առաքելությունների և ներկայացուցչությունների ղեկավարներ, ԱՊՀ մասնակից պետությունների պատգամավորներ, կենտրոնական ընտրական հանձնաժողովների ղեկավարներ, ընտրական գործընթացների ոլորտի փորձագետներ, հասարակական կազմակերպությունների ներկայացուցիչներ։
Հայաստանի Հանրապետության Ազգային ժողովից համաժողովին մասնակցում էին Էդվարդ Անդրեասյանը (Տարածաշրջանային և եվրասիական ինտեգրման հարցերի մշտական հանձնաժողով) և Գոռ Գևորգյանը (Արտաքին հարաբերությունների մշտական հանձնաժողով), ինչպես նաև ԵՊՀ քաղաքացիական իրավունքի ամբիոնի վարիչ, ԱՊՀ ՄԽՎ ժողովրդավարության զարգացման մոնիթորինգի միջազգային ինստիտուտի երևանյան մասնաճյուղի տնօրեն Վահրամ Ավետիսյանը:
Համաժողովի մասնակիցները քննարկել են հանրային իշխանության լեգիտիմացիային և ընտրությունների կազմակերպման գործընթացներին վերաբերող հարցեր, ինչպես նաև ուսումնասիրել են ներկայումս Բելառուսի Ազգային ժողով ընթացող ընտրարշավին վերաբերող հարցերը։
Բելառուսի Հանրապետությունում Հայաստանի Հանրապետության արտակարգ և լիազոր դեսպան, ԱՊՀ կանոնադրական և այլ մարմիններում Հայաստանի Հանրապետության մշտական և լիազոր ներկայացուցիչ Արմեն Ղևոնդյանը մասնակցեց համաժողովի լիագումար նիստին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր