Սուրբծննդյան ընթերցումներին մասնակցության վերաբերյալ

29 նոյեմբերի, 2019

Նոյեմբերի 29-ին Բելառուսի Հանրապետության տեղեկատվության, առողջապահության, ինչպես նաև աշխատանքի և սոցիալական պաշտպանության նախարարների, դիվանագիտական առաքելությունների, պետական իշխանության մարմինների, վետերանական կազմակերպությունների ներկայացուցիչների, մշակույթի և գիտության գործիչների մասնակցությամբ Բելառուսի Ազգային գրադարանում կայացել է «Մեծ Հաղթանակը՝ ժառանգությունը և ժառանգները» խորագրով Բելառուսական հինգերորդ Սուրբծննդյան ընթերցումների բացման արարողությունը։
Համայն Բելառուսի էքզարխ, Մինսկի և Զասլավլի Միտրոպոլիտ Պավելի հրավերով ընթերցումներին մասնակցած Բելառուսում Հայաստանի արտակարգ և լիազոր դեսպան Արմեն Ղևոնդյանն իր ողջույնի խոսքում կարևորել է Մեծ Հաղթանակի ժառանգությունը, որը հնարավոր դարձավ խորհրդային զինվորների, պարտիզանների և ընդհատակում գործող անձանց խիզախության, թիկունքի աշխատավորների անձնազոհության, ինչպես նաև համընդհանուր միասնության շնորհիվ, որում իր կարևոր ներդրումն է ունեցել Եկեղեցին։ «Հայ Առաքելական եկեղեցու կոչով հանգանակված միջոցների շնորհիվ ձևավորվել էր «Սասունցի Դավիթ» տանկային շարասյունը, որը մասնակցեց նաև «Բագրատիոն» գործողությանը՝ Բելառուսի ազատագրմանը», - ամփոփել է իր խոսքում Արմեն Ղևոնդյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր