ԱՊՀ մշտական և լիազոր ներկայացուցիչների խորհրդի հերթական նիստի վերաբերյալ

03 դեկտեմբերի, 2019

2019թ․ դեկտեմբերի 3-ին Մինսկում՝ ԱՊՀ Գործադիր կոմիտեում, կայացավ ԱՊՀ մասնակից պետությունների մշտական և լիազոր ներկայացուցիչների խորհրդի հերթական նիստը։
Նիստի ընթացքում քննարկվեցին ԱՊՀ Պետությունների ղեկավարների խորհրդի, Կառավարությունների ղեկավարների խորհրդի և ԱԳ նախարարների խորհրդի որոշումներից բխող հանձնարարականների, ինչպես նաև հիշյալ նիստերին պատվիրակությունների ղեկավարների կողմից հնչեցված առաջարկությունների կատարման ուղղությամբ ԱՊՀ Գործադիր կոմիտեի, ԱՊՀ կանոնադրական և այլ մարմիններում Մշտական լիազոր ներկայացուցիչների խորհրդի և ԱՊՀ Տնտեսական խորհրդին կից Տնտեսական հարցերով հանձնաժողովի միջոցառումների համատեղ ծրագրի նախագիծը։
Մշտական և լիազոր ներկայացուցիչները դիտարկեցին 2019թ․ ԱՊՀ կանոնադրական և այլ մարմիններում Մշտական լիազոր ներկայացուցիչների խորհրդի գործունեության արդյունքները, ինչպես նաև 2020թ․ Խորհրդի աշխատանքների ծրագրի նախագիծը, այդ թվում՝ ԱՊՀ կանոնադրական և այլ մարմիններում Մշտական լիազոր ներկայացուցիչների խորհրդի և ԱՊՀ Տնտեսական խորհրդին կից Տնտեսական հարցերով հանձնաժողովի նիստերին ԱՊՀ ճյուղային համագործակցության մարմինների գործունեության վերաբերյալ հաշվետվությունների 2020-2021թթ․ ժամանակացույցը։
Հիշյալ նիստի ընթացքում արծարծվել են նաև ԱՊՀ ԱԳ նախարարների խորհրդի հերթական նիստին առնչվող առաջարկություններ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր