Սուրբծննդյան բարեգործական տոնավաճառ

08 դեկտեմբերի, 2019

Դեկտեմբերի 8-ին կայացավ օտարերկրյա ներկայացուցիչների, դիվանագետների և դեսպանների կանանց Մինսկյան կանանց միջազգային ակումբի կողմից կազմակերպված ամանորյա Սուրբծննդյան բարեգործական տոնավաճառը:
Ողջույնի իր խոսքում Բելառուսի արտաքին գործերի նախարարի կինը՝ Վերա Պոլյակովա-Մակեյը նշեց անցկացվող միջոցառման, որին յուրաքանչուրն «իր հոգու մի մասնիկը» բերել, տոնական բնույթն ու ընդարձակ մշակութային ծրագիրը։ Բացելով տոնավաճառը՝ ակումբի նախագահ, Բելառուսում Հայաստանի դեսպանի կինը՝ Իրեն Հակոբյանը ընդգծեց, որ միջոցառումը միավորել է հոգատար մարդկանց, ովքեր «իրենց սրտերի ջերմության միջոցով ցանկանում են ներգրավվածություն ունենալ ակումբի համեստ գործունեությանը՝ որն սերտորեն իրականացվում է սոցիալական ոլորտում Բելառուսի նախարարությունների և գերատեսչությունների կողմից տարվող մեծ աշխատանքներին զուգահեռ»։
Տոնավաճառի հայկական տաղավարն աչքի էր ընկնում իր լայ տեսականիյով․ ազգային հուշանվերներ և զարդեր, ձեռագործ աշխատանքներ, հայկական հրուշակեղեն, շոկոլադներ, կոնյակի և գինու տեսականի, ինչպես նաև Հայաստանում արտադրված պահածոներ։
Միջոցառման ընթացքում պարային կատարումներով հանդես եկավ Մինսկի Էրեբունի պարային համույթը։
Տոնավաճառի հասույթը՝ ակումբի կողմից իրականացվող բարեգործական նախագծերի շրջանակներում, կուղղվի ծնողազուրկ երեխաների, սահմանափակ հնարավորություններով մարդկանց, ինչպես նաև անապահով ընտանիքների աջակցությանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր