Այցելություն Բելառուսի Ազգային պատմական արխիվ

13 դեկտեմբերի, 2019

Դեկտեմբերի 13-ին Բելառուսի Հանրապետությունում Հայաստանի Հանրապետության արտակարգ և լիազոր դեսպան Արմեն Ղևոնդյանն այցելեց Բելառուսի պատմության ազգային արխիվ։
Արխիվի տնօրեն Դմիտրի Յացևիչի հետ կայացած հանդիպմանը, որին մասնակցեց նաև «Անիվ» հայագիտական հետազոտությունների զարգացման և աջակցության հիմնադրամի տնօրեն Արմեն Խեչոյանը, քննարկվեցին հայ և բելառուս ժողովուրդների բարեկամության արխիվային ժառանգության ուսումնասիրման ոլորտում փոխգործակցության հեռանկարները։
Արխիվի ֆոնդերում կայացած շրջայցի ընթացքում դեսպան Ա․Ղևոնդյանը ծանոթացավ վերջիններիս կառուցվածքին և բովանդակությանը, որը պարունակում է նաև Զամոստյե քաղաքի հայկական դատարանի (1660-1668թթ․), ինչպես նաև Միխաիլ Ռադզիվիլի միջոցներով XVIII-րդ դարում Հովհաննես Մարջանյանի կողմից հիմնադրված մետաքսե գոտիների Սլուցկի մանուֆակտուրային առնչվող փաստաթղթեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր