Հեղինակային երեկո Բարեկամության տանը

30 հունվարի, 2020

Հունվարի 30-ին Մինսկի Արտասահմանյան երկրների հետ բարեկամության և մշակութային կապի բելառուսական միության մեծ դահլիճում Բելառուսում Հայաստանի դեսպանության կողմից կազմակերպվել էր ԽՍՀՄ և ՌԴ դիվանագետ, կոմպոզիտոր Դավիթ Մնացականյանի հեղինակային երեկոն:

Միջոցառմանն իրենց մասնակցությունն ունեցան Բելառուսում հավատարմագրված ավելի քան տասը դիվանագիտական առաքելությունների ղեկավարներ ու ներկայացուցիչներ, «Հայաստան» Մինսկյան քաղաքային մշակութա-լուսավորչական միություն» կառույցի ղեկավարությունը, Բելառուսի ստեղծագործական մտավորականության, մշակույթի և ԶԼՄ-ների, ինչպես նաև հայ համայնքի ներկայացուցիչներ։

Ողջունելով Մինսկ ժամանած հայազգի կոմպոզիտորին ու դիվանագետին՝ Բելառուսում Հայաստանի դեսպան Արմեն Ղևոնդյանն իր խոսքում առանձնանշեց, որ Երևանի կոնսերվատորիային կից գործող երաժշտական դպրոցի և Մոսկվայի միջազգային հարաբերությունների պետական ինստիտուտի շրջանավարտ Դավիթ Մնացականյանին հաջողվել է ստեղծագործորեն միաձուլել իր մասնագիտական գիտելիքներն արվեստի հետ։ Եվ այդ համադրության արդյունքում ծնվել են այնպիսի ստեղծագործություններ, ինչպիսիք են «Ուլրիկան», «Սուրբծննդյան ֆանտազիան», «Էլեգիան» և ուրիշներ, որոնք կատարվել են համաշխարհային ճանաչում ունեցող երաժիշտներ Ռոբերտ Վելլսի, Ալեքսանդր Գինդինի և Քրիստոֆեր Վալլանդերի կողմից։

Միջոցառումը, որի շրջանակներում ցուցադրվեցին Դ․Մնացականյանի ստեղծագործական ուղուն նվիրված ֆիլմերից հատվածներ, կոմպոզիտորն ամփոփեց 2010թ․ Վանկուվերի Օլիմպիական խաղերի ժամանակ շվեդական գեղասահորդի ելույթի ընթացքում հնչած իր «My Way» ստեղծագործությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր