Բելառուսում Հայաստանի դեսպանի հանդիպումը Բելառուսի Ազգային ժողովի Հանրապետության խորհրդի նախագահի հետ

05 փետրվարի, 2020

2020թ․ փետրվարի 5-ին Բելառուսի Հանրապետությունում Հայաստանի Հանրապետության արտակարգ և լիազոր դեսպան Արմեն Ղևոնդյանը քաղաքավարական այցելության շրջանակներում հանդիպել է 2019թ․ դեկտեմբերի 6-ին Բելառուսի Հանրապետության Ազգային ժողովի Հանրապետության խորհրդի նախագահ ընտրված Նատալյա Կոչանովայի հետ։

Հանդիպման ընթացքում, որին մասնակցում էր նաև Բելառուսի Հանրապետության Ազգային ժողովի Հանրապետության խորհրդի միջազգային գործերի և ազգային անվտանգության մշտական հանձնաժողովի ղեկավար, դեսպան Սերգեյ Ռաչկովը, քննարկվել է Հայաստանի և Բելառուսի միջև միջխորհրդարանական փոխգործակցության հետագա զարգացմանը վերաբերող հարցերի լայն շրջանակ։

Համագործակցության ակտիվացման համատեքստում ընդգծվել է երկու երկրների օրենսդիր մարմինների ղեկավարների մակարդակով փոխադարձ այցերի և կանոնավոր մասնագիտացված միջխորհրդարանական հարթակներում հայ-բելառուսական շփումների պահպանման կարևորությունը։

Դիտարկվել է նաև 2019թ․ սեպտեմբերին Երևանում կայացած Հայաստանի և Բելառուսի ազգային ժողովների համագործակցության հարցերով Միջխորհրդարանական հանձնաժողովի նիստի շրջանակներում ձեռք բերված պայմանավորվածությունների կատարման ընթացքը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր