Հայաստանի Հանրապետության պաշտպանության նախարարի պաշտոնական այցը

14 փետրվարի, 2020

Փետրվարի 13-14-ը պաշտոնական այցով Բելառուսի Հանրապետությունում է գտնվում Հայաստանի Հանրապետության Պաշտպանության նախարար Դավիթ Տոնոյանը։

Այցի ընթացքում կայացել են բանակցություններ Հայաստանի Հանրապետության պաշտպանական գերատեսչության ղեկավարի և Բելառուսի Հանրապետության պաշտպանության նախարարի , ինչպես նաև Բելառուսի Հանրապետության Անվտանգության խորհրդի պետքարտուղարի հետ։
Հանդիպումների ժամանակ քննարկվել են երկու պետությունների միջև ռազմական համագործակցության վիճակին և հետագա զարգացման հեռանկարներին առնչվող հարցեր, ինչպես նաև հաստատվել է Հայաստանի Հանրապետության պաշտպանության նախարարության և Բելառուսի Հանրապետության պաշտպանության նախարարության միջև երկկողմ համագործակցության 2020 թվականի ծրագիրը։

Հայաստանի Հանրապետության Պաշտպանության նախարար Դավիթ Տոնոյանը ծաղկեպսակ է զետեղել «Մինսկ – քաղաք-հերոս» կոթողին, այցելել է Հայրենական Մեծ պատերազմի պատմության Բելառուսի պետական թանգարան, որտեղ «Հայ զինվորները Բելառուսի համար մարտերում (1941-1944)» («Воины-армяне в боях за Беларусь (1941-1944)») գրքի հեղինակներին հանձնել է պատվոգրեր։ Նախագիծն իրականացվել է «Անիվ» հայագիտական հետազոտությունների զարգացման և աջակցման հիմնադրամի կողմից Բելառուսի Հանրապետության Զինված ուժերի հայրենիքի պաշտպանների և պատերազմների զոհերի հիշատակի հավերժացման վարչության հետ համատեղ։

https://armenpress.am/arm/news/1004881.html

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր