Մայրենի լեզվի միջազգային օրվան նվիրված միջոցառման վերաբերյալ

24 փետրվարի, 2020

Ս․թ․ փետրվարի 21-ին Բելառուսում Հայաստանի դեսպան Արմեն Ղևոնդյանը մասնակցեց ՅՈՒՆԵՍԿՕ-ի հարցերով ազգային հանձնաժողովի, Բելառուսի Ազգային գրադարանի և А1 ընկերության հետ համատեղ՝ Բելառուսի Հանրապետության արտաքին գործերի նախարարության կողմից կազմակերպված Մայրենի լեզվի միջազգային օրվան նվիրված միջոցառմանը։
Ազգային գրադարանում անցկացված միջոցառման ընթացքում Բելառուսում հավատարմագրված ավելի քան 30 դիվանագիտական առաքելությունների ղեկավարներ և ներկայացուցիչներ մայրենի լեզվով ընթերցեցին ազգային հեղինակների Հայրենիքին նվիրված ստեղծագործություններից հատվածներ։
Դեսպան Արմեն Ղևոնդյանն միջոցառման մասնակիցներին ու հյուրերին ներկայացրեց Համո Սահյանի «Հայաստան ասելիս» բանաստեղծությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր