ԱՊՀ մշտական և լիազոր ներկայացուցիչների խորհրդի նիստի առնչությամբ

25 փետրվարի, 2020

2020թ․ փետրվարի 25-ին ԱՊՀ Գործադիր կոմիտեում կայացավ ԱՊՀ մասնակից պետությունների մշտական և լիազոր ներկայացուցիչների խորհրդի հերթական նիստը։
Նիստին քննարկվեց ԱՊՀ կառավարությունների ղեկավարների՝ ս․թ․ մայիսի 29-ին Տաշքենտում կայանալիք հերթական նիստի օրակարգի նախագիծը։
Համագործակցությունում Գրքի տարվան նվիրված միջոցառումների իրականացման արդյունքների վերաբերյալ տեղեկատվությունն ընդունվել է ի գիտություն։ Մտքեր են փոխանակվեցին 1941-1945 թվականներին Հայրենական Մեծ պատերազմում տարած Հաղթանակի 75-ամյակին նվիրված Մինսկում ԱՊՀ մասնակից պետությունների բարեկամության ծառուղու հանդիսավոր հիմնադրման հարցի շուրջ:

Մշտական և լիազոր ներկայացուցիչները նիստի ընթացքում նաև քննարկեցին ֆինանսական և կառուցվածքային բնույթի հարցեր։
Նիստին ընդունված մեկ այլ որոշման համաձայն՝ ս․թ․ ապրիլի 5-ին Հայաստանի Հանրապետությունում անցկացվելիք հանրաքվեի ընթացքում ԱՊՀ դիտորդական առաքելությունը կգլխավորի ԱՊՀ Գործադիր կոմիտեի նախագահի-գործադիր քարտուղարի առաջին տեղակալ Վ․Գումինսկին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր