Ի ուշադրություն հյուպատոսական բաժնի այցելուների

10 հունիսի, 2020

Այցելուների առողջության անվտանգությունն ապահովելու և Բելառուսի Հանրապետությունում Հայաստանի Հանրապետության դեսպանության հյուպատոսական բաժնում գտնվելու տևողությունը նվազեցնելու նպատակով խորհուրդ է տրվում հասանելիք պետական տուրքերի վճարումն իրականացնել անկանխիկ եղանակով:

Համապատասխան հյուպատոսական ծառայությունների և գործողությունների համար պետական տուրքը կարելի է վճարել e-payments պետական էլեկտրոնային վճարային համակարգի միջոցով՝ VISA, MasterCard, American Express, Discover բանկային քարտերով կամ օգտվել PayPal համակարգից:

Բելառուսի Հանրապետությունում Հայաստանի Հանրապետության դեսպանության կողմից տրամադրվող հյուպատոսական ծառայությունների և գործողությունների համար 2020 թվականի պետական տուրքի դրույքաչափերի, ինչպես նաև E-payments-ի միջոցով վճարման եղանակների մասին տեղեկությունները հասանելի են հետևյալ հղումով՝ https://belarus.mfa.am/ru/fees/:

Հաշվի առնելով համաճարակային իրավիճակը՝ հյուպատոսական բաժին այցելելուց առաջ անհրաժեշտ է գրանցվել +375-17-297-93-08 հեռախոսահամարով (աշխատանքային օրերին՝ 10:00-ից 13:00-ը և 14:00-ից 17:00-ը) կամ armconsularbelarus@mfa.am էլեկտրոնային փոստի հասցեով:

Հյուպատոսական բաժնում ընդունելությունն իրականացվում է՝ անհատական պաշտպանության միջոցների (բժշկական պաշտպանիչ դիմակ և այլն) առկայության և սոցիալական հեռավորության պահանջների պահպանման պարագայում:

Հյուպատոսական վճարների անկանխիկ վճարման լրացուցիչ հնարավորությունների ներդրման և կանխիկ միջոցների ընդունումից հրաժարման վերաբերյալ տեղեկությունը կներկայացվի լրացուցիչ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր