ԱՊՀ մշտական և լիազոր ներկայացուցիչների խորհրդի նիստի վերաբերյալ

16 հունիսի, 2020

Հունիսի 16-ին կայացել է ԱՊՀ մասնակից պետությունների մշտական և լիազոր ներկայացուցիչների խորհրդի հերթական նիստը։

Դիտարկվել են ԱՊՀ մասնակից պետությունների կառավարությունների ղեկավարների խորհրդի 2020թ․ մայիսի 29-ին անցկացված նիստի արդյունքներն, ինչպես նաև ԱՊՀ պետությունների ղեկավարների խորհրդի և արտաքին գործերի նախարարների խորհրդի առաջիկա նիստերի օրակարգերի նախագծերի մասով առաջարկությունները։

Բացի այդ քննարկվել են ԱՊՀ մասնակից պետությունների միջև ԱՊՀ Գործադիր կոմիտեում քվոտային պաշտոնների բաշխումը, մի շարք այլ հարցեր։

Նիստի արդյունքներով համաձայնեցվել է ԱՊՀ արտաքին գործերի նախարարների խորհրդի 2020 թվականի մայիսի 12-ի որոշումներից բխող հանձնարարականների, ինչպես նաև վերոնշյալ նիստի ընթացքում պատվիրակությունների ղեկավարների կողմից հնչեցված առաջարկությունների իրականացման ուղղությամբ Համագործակցության կանոնադրական և այլ մարմիններում ԱՊՀ մասնակից պետությունների մշտական և լիազոր ներկայացուցիչների խորհրդի և ԱՊՀ գործադիր կոմիտեի համատեղ ծրագիրը, մշակվել է Մշտական և լիազոր ներկայացուցիչների հաջորդ նիստի օրակարգը։

Նիստի մասնակիցները քննարկել են Հայրենական Մեծ պատերազմում Հաղթանակի 75-ամյակին նվիրված միջոցառումների կազմակերպմանն առնչվող հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր