ԱՊՀ մշտական և լիազոր ներկայացուցիչների խորհրդի նիստի վերաբերյալ

21 հուլիսի, 2020

Հուլիսի 21-ին Մինսկում ԱՊՀ Գործադիր կոմիտեում կայացավ Համագործակցության մասնակից պետությունների Մշտական և լիազոր ներկայացուցիչների խորհրդի հերթական նիստը։

Նիստին ներկայացվեց ԱՊՀ առողջապահության ոլորտում համագործակցության խորհրդի հաշվետվությունը, անդրադարձ եղավ մասնակից պետություններում COVID-19 կորոնավիրուսային համավարակի տարածմամբ պայմանավորված իրավիճակին։

Կայացած քննարկումների արդյունքներով ընդհանուր առմամբ ձևավորվեցին ընթացիկ տարվա հոկտեմբերին նախատեսված ԱՊՀ պետությունների ղեկավարների և արտաքին գործերի նախարարների խորհուրդների հերթական նիստերի օրակարգերի նախագծերը։ Ուզբեկստանի մայրաքաղաքում 2020թ․ նոյեմբերին նախատեսված ԱՊՀ կառավարությունների ղեկավարների խորհրդի նիստի օրակարգի նախագիծը կձևավորվի համապատասխան առաջարկությունների քննարկումից հետո։

Հավանության արժանացավ ընթացիկ տարվա մայիսին կայացած ԱՊՀ կառավարությունների ղեկավարների խորհրդի որոշումներից, ինչպես նաև հիշյալ նիստին մասնակից պետությունների պատվիրակությունների ղեկավարների կողմից հնչեցված առաջարկություններից բխող հանձնարարականների կատարման ուղղությամբ ԱՊՀ Գործադիր կոմիտեի, Մշտական և լիազոր ներկայացուցիչների խորհրդի և Տնտեսական խորհրդին կից Տնտեսական հարցերով հանձնաժողովի համատեղ ծրագիրը։ Դիտարկվեց ԱՊՀ պետությունների ու կառավարությունների, ինչպես նաև արտաքին գործերի նախարարների խորհուրդների նախորդ տարի կայացած նիստերի արդյունքներով ընդունված նմանատիպ ծրագրի կատարման ընթացքը։

Մշտական և լիազոր ներկայացուցիչների խորհրդին ներկայացվեցին նաև 2020թ․ ԱՊՀ-ում Ուզբեկստանի նախագահության Հայեցակարգի և վերջինիս իրականացման ուղղությամբ միջոցառումների

Ծրագրի կատարման միջանկյալ արդյունքները։

Նիստին դիտարկվեց նաև Բելառուսում 2020թ․ օգոստոսի 9-ին նախատեսված նախագահական ընտրություններին ԱՊՀ կողմից դիտորդական առաքելության հարցը, որը կգլխավորի ԱՊՀ Գործադիր կոմիտեի նախագահը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր