Բելառուսում Հայաստանի դեսպանի հանդիպումների մասին

28 սեպտեմբերի, 2020

2020թ․ սեպտեմբերի 28-ին ԲՀ-ում ՀՀ դեսպան, ԱՊՀ կանոնադրական և այլ մարմիններում ՀՀ Մշտական և լիազոր ներկայացուցիչ Արմեն Ղևոնդյանն առանձին հանդիպումներ է ունեցել Բելառուսի արտաքին գործերի նախարարի առաջին տեղակալ Ալեքսանդր Գուրյանովի և ԱՊՀ Գործադիր կոմիտեի նախագահի տեղակալ Վիկտոր Գումինսկու հետ։

Կայացած հանդիպումների ընթացքում Հայաստանի դեսպանը ներկայացրել է Ադրբեջանի կողմից Արցախի դեմ սանձազերծած լայնամասշտաբ ագրեսիայի մանրամասները, որի ընթացքում նպատակադրված ռմբակոծվում են Արցախի մայրաքաղաք Ստեփանակերտը և այլ բնակավայրերն, ինչպես նաև բացառապես քաղաքացիական նշանակության ենթակառուցվածքներ։

Զրուցակիցների ուշադրությունը սևեռվել է հարձակման՝ նախապես ծրագրված բնույթին, որը պայմանավորված է մշտապես հնչեցվող ատելության հռետորաբանությամբ և հայ ժողովրդի նկատմամբ հստակ ցեղասպան նպատակներով, 1994-1995 թվականների եռակողմ համաձայնագրերով սահմանված զինադադարի կարգի հետևողական խախտումներով, զինադադարի կարգի խախտման հետաքննության մեխանիզմների և զինադադարի ամրապնդման մասով ԵԱՀԿ Մինսկի խմբի համանախագահների առաջարկների մերժումով։ Միևնույն ժամանակ նշվել է, որ իր ծրագրերի իրականացման հարցում Ադրբեջանի ռազմաքաղաքական ղեկավարությունն անվերապահորեն ապավինում է Թուրքիայի լայն աջակցությունը։

Որպես Արցախի անվտանգության երաշխավոր՝ Հայաստանը կդիմի բոլոր անհրաժեշտ միջոցներին՝ Լեռնային Ղարաբաղի բնակչությանը պաշտպանելու և ագրեսորին համաչափ պատասխանն ապահովվելու նպատակով՝ պարտադրելով վերջինիս հրաժարվել ռազմական եղանակով հակամարտությունը կարգավորելու ծրագրերից։

Բելառուսի ԱԳ նախարարության հայտարարությունը Լեռնային Ղարաբաղում իրավիճակի սրման կապակցությամբ

https://mfa.gov.by/press/news_mfa/f72d69a5c8cfc896.html

Լեռնային Ղարաբաղում իրավիճակի մասով արձագանքն ԱՊՀ-ում

http://cis.minsk.by/news/16379/o_reakcii_v_sng_na_sobytija_v_regione_nagornogo_karabaha?fbclid=IwAR03vKqKpfzsCLMbdtiN_zzwtmATeQ28HCW3U0zJhlyzSQ75yp0mCU__-jA

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր