Բելառուսի հեռուստառադիոընկերությունում կայացած հանդիպման վերաբերյալ

07 հոկտեմբերի, 2020

Հոկտեմբերի 7-ին կայացել է ԲՀ-ում ՀՀ դեսպան Ա․Ղևոնդյանի հանդիպումը ԲՀ պետական հեռուստառադիոընկերության նախագահ Ի․Էյսմոնտի հետ:

Հանդիպմանը ՀՀ դեսպանը Բելառուսի հեռուստառադիոընկերության նախագահին տեղեկացրել է Լեռնային Ղարաբաղի դեմ Ադրբեջանի նախաձեռնած լայնածավալ ռազմական ագրեսիայի մանրամասների վերաբերյալ։

Զրուցակցի ուշադրությունը հրավիրվել է նրան, որ ընթացիկ տարվա սեպտեմբերի 27-ից սկսած Ադրբեջանը, հենվելով Թուրքիայի ռազմաքաղաքական անմիջական օժանդակության վրա և անտեսելով միջազգային հանրության՝ ռազմական գործողությունների անհապաղ դադարեցնելու կոչերը, թիրախավորված գնդակոծության է ենթարկում նաև քաղաքացիական ենթակառուցվածքի օբյեկտները, այդ թվում՝ հենց Հայաստանի տարածքում, ինչի հետևանքով զոհվում են նաև խաղաղ բնակիչներ։ Խորը մտահոգություն է արտահայտվել Թուրքիայի ապակայունացնող գործոնի ուժգնացմամբ, որի ուղղակի աջակցությամբ Մերձավոր Արևելքից ռազմական գործողությունների գոտի են փոխադրվել արտասահմանյան ահաբեկիչ-գրոհայիններ։

Կողմերն արձանագրել են տեղի ունեցող իրադարձությունների օբյեկտիվ լուսաբանման, ինչպես նաև Լեռնային Ղարաբաղի հակամարտության վերաբերյալ հրապարակային արտահայտություններում հասարակության ներկայացուցիչների կողմից պատասխանատու վերաբերմունք դրսևորելու կարևորությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր