Բելառուսի Ազգային ժողովի Հանրապետության խորհրդում կայացած հանդիպման վերաբերյալ

16 հոկտեմբերի, 2020

Հոկտեմբերի 16-ին կայացել է Բելառուսում Հայաստանի դեսպան Ա․Ղևոնդյանի հանդիպումը Բելառուսի խորհրդարանի վերին պալատի մշտական հանձնաժողովների ղեկավարներ Սերգեյ Ռաչկովի (միջազգային գործերով և ազգային անվտանգության) և Տատյանա Ռունեցի (էկոնոմիկայի, բյուջեի և ֆինանսների) հետ։

Հանդիպմանը դեսպանը բելառուս սենատորներին, որոնք հանդիսանում են համապատասխանաբար ԵԱՀԿ Խորհրդարանական վեհաժողովում և ՍԾՏՀ Խորհրդարանական վեհաժողովի հետ կապերի իրականացման հարցերով ազգային պատվիրակությունների ղեկավարության անդամներ, ներկայացրեց Լեռնային Ղարաբաղի հանդեպ Ադրբեջանի կողմից՝ Թուրքիայի ռազմաքաղաքական անմիջական աջակցությամբ և Մերձավոր Արևելքից ներգրավված գրոհայինների մասնակցությամբ, սանձազերծած ագրեսիայով պայմանավորված իրավիճակի շուրջ վերջին զարգացումները։ Զրուցակիցների ուշադրությունը հրավիրվեց նաև ադրբեջանական կողմի՝ նախկինում ձեռք բերված հրադադարի նկատմամբ լիակատար անտեսման և ռազմական սադրիչ գործողությունների շարունակմանը՝ թիրախավորելով ինչպես Լեռնային Ղարաբաղի, այնպես էլ Հայաստանի բնակավայրերը։

Մշտական հանձնաժողովների ղեկավարները իրազեկվել են միջազգային արձագանքի, ինչպես նաև մի շարք երկրների ազգային խորհրդարանների կողմից ընդունված բանաձևերի և Լեռնային Ղարաբաղի դեմ ագրեսիան դատապարտող հայտարարությունների մասով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր