ԱՊՀ մշտական և լիազոր ներկայացուցիչների խորհրդի նիստի վերաբերյալ

27 սեպտեմբերի, 2021

2021թ․ սեպտեմբերի 27-ին Մինսկում՝ ԱՊՀ Գործադիր կոմիտեում, կայացավ ԱՊՀ մասնակից պետությունների մշտական և լիազոր ներկայացուցիչների խորհրդի հերթական նիստը։

Նախքան նիստի մեկնարկը Բելառուսի կապի և ինֆորմատիզացիայի նախարար Կոնստանտին Շուլգանի և ԱՊՀ Գործադիր կոմիտեի նախագահ-Գործադիր քարտուղար Սերգեյ Լեբեդևի մասնակցությամբ կազմակերպվեց ԱՊՀ 30-ամյակին նվիրված հուշածրարի մարման արարողությունը։

Այնուհետև մշտական և լիազոր ներկայացուցիչները դիտարկեցին ԱՊՀ մասնակից պետությունների քրեակատարողական ծառայությունների ղեկավարների խորհրդի, ինչպես նաև Տիեզերքի հարցերով միջպետական խորհրդի գործունեության վերաբերյալ տեղեկատվությունները։

Քննարկվեց Ազատ առևտրի գոտու մասին 2011թ․ հոկտեմբերի 18-ի պայմանագրի կետերի կատարման ընթացքը։ Դիտարկվեցին նաև ԱՊՀ արտաքին գործերի նախարարների խորհրդի և Պետությունների ղեկավարների խորհրդի ս․թ․ հոկտեմբերի 14-ին և 15-ին նախատեսված նիստերի անցկացմանն առնչվող հարցեր։

Մշտական և լիազոր ներկայացուցիչները հաստատեցին Ղրղզստանի Հանրապետությունում ընթացիկ տարվա նոյեմբերի 28-ին նախատեսվող խորհրդարանական ընտրություններին ԱՊՀ դիտորդական առաքելության ղեկավարի թեկնածությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր