Դեսպան Ռ․Խումարյանի և Մինսկի քաղաքային գործադիր կոմիտեի նախագահ Վ․Կուխարևի հանդիպման վերաբերյալ

28 հոկտեմբերի, 2021

Բելառուսի Հանրապետությունում Հայաստանի Հանրապետության արտակարգ և լիազոր դեսպան Ռազմիկ Խումարյանը 2021թ․ հոկտեմբերի 28-ին հանդիպում ունեցավ Մինսկի քաղաքային գործադիր կոմիտեի նախագահ (քաղաքապետ) Վլադիմիր Կուխարևի հետ։

Հանդիպման մասնակիցները քննարկեցին Երևանի և Մինսկի միջև երկկողմ գործակցության ընդլայնման հեռանկարները զբոսաշրջության, առևտրի, մշակույթի, առողջապահության, կրթության և այլ ոլորտներում։ Կողմերն ընդգծեցին Հայաստանի և Բելառուսի մայրաքաղաքների միջև սերտ և բարեկամական հարաբերությունների զարգացման մեծ ներուժը՝ պատրաստակամություն հայտնելով նպաստել տարբեր մակարդակներում երկխոսության հետագա ակտիվացմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր